"Hidden Agenda" mula sa viral video ng Ka Angel at Ka Tenny?

Ayoko sana magbigay ng "ibang pagpapakahulugan" sa ginawa ng Ka Angel at Ka Tenny na video sa youtube. Ngunit dahil matagal na akong sumusubaybay sa grupo ni Antonio Ebanghelista at sa mga nababasa ko sa balita, akoy lubos na nagtataka sa mga bagay na ito.

Sana ang pananaw ko sa mga nakikita ko ay mali. Sana.

Ngunit kung tama ang aking hinala, KAPATID, HUWAG TAYONG MAKISIMPATYA SA NGAYON, HINDI PO NATIN NALALAMAN ANG GUSTO NILANG MANGYARI SA PAMAMAHALA NG IGLESIA. HUWAG TAYONG MAGING DAAN UPANG TULUYANG MASIRA ANG IGLESIA.

Mga bagay na aking napansin:

1. Kung talagang nanganganib ang kanilang buhay, bakit sa halip na magsumbong sa pulis, o sa nbi o kaya naman ay ipaalam sa kanilang kapatid na si Ka Eduardo Manalo ay gumawa sila ng VIDEO at pinost sa youtube, na ang ibig sabihin ay gusto nilang ipaalam ito sa publiko? Alam naman nila na silay kilala ng maraming kapatid at ng ibang mga tao sapagkapat pamilya sila ng Tagapamahalang Pangkalahatan ng Iglesia. Bakit sa halip ay NANANAWAGAN sila sa mga kapatid sa Iglesia na wala namang kamalay malay sa mga nangyayari?

2. Sa balita ay makikita nyo na meroong humihingi daw ng SAKLOLO na hinostage daw sila habang ipinopost nya ang mga ito sa bintana sa compound ng bahay ng pamilya Manalo. Ngunit bakit nang tanungin na si Ka Angel kung totoo bang hino-hostage sila ang sabi HINDI DAW SILA HOSTAGE, MAY BATA LANG NA NAGBIBIRO? Simpleng bagay lang ba ang magpost ka ng TULONG, HOSTAGE KAMI habang itoy binabalita ng media sa publiko samantalang WALA NAMAN PALA ITONG KATOTOHANAN? Magagawa ba ng bata na MAGLOKO na HINOHOSTAGE sila at nagpopost pa ng mga plaka ng sasakyan at nagsasabi pa na may mga armadong tao kaya dapat na mag ingat ang media sa labas?

3. Ang alam kong isyu dito kaya ito ni-report ng media ay dahil sa VIRAL VIDEO na nagsasabing NANGANGANIB DAW ANG KANILANG BUHAY. Ngunit bakit parang ginamit ang pagkakataong ito para ilabas ang lahat ng kanilang mga hinaing sa Ka Eduardo at sa pamamahala? Nakinig ako ng live streaming sa DZMM kagabi hanggang madaling araw, ang sabi pa nga ng anchor this is really just a FAMILY PROBLEM, kahit yung nire-raise na korupsyon sa SANGGUNIAN ay INTERNAL PROBLEM na tayo tayo lang din daw ang makakaresolba.

At nagtataka ako, tila parehong pareho din ang sinasabing mga paratang ni Ka Angel at ni Antonio Ebanghelista tungkol sa Pamamahala. Yung sanggunian daw ganito ganyan, yung pera daw ng Iglesia nauubos na, hindi daw dapat pinatayo ang Philippine Arena. Halata po na talagang PANIG si Ka Angel sa mga dati nang kumakalaban sa Iglesia. 

At bakit nananawagan ang Ka Angel sa mga kapatid na makiisa sa vigil?

4. Bakit sunud sunod na ang mga naging pahayag na KATIWALIAN diumano sa Sanggunian, maling paggamit ng pera ng Iglesia and so on? Samantalang ang main concern dito ay kung talaga bang LIGTAS ANG BUHAY ng pamilya ni Ka Eduardo at kung talaga bang may mga hinostage na mga ministro? Bakit biglang lumabas si Ka Isaias Samson Jr. saka isa isang sinabi sa media ang lahat ng mga akusasyon ni A.E? Sinasabi pa niya na hinostage din siya dahil pinipilit daw na siya si A.E, tapos nung na-interview alam na alam lahat ng panig ni A.E at talaga namang PANIG siya kay A.E. (Kaya nabuo ang konklusyon kong ISA PALA TALAGA si Ka Isaias sa mga A.E na blogger ng Iglesia ni Cristo silent no more)

5. Bakit ang mga sumasama sa vigil ay mga TIWALAG NA MIYEMBRO ng Iglesia? At bakit nung ininterview ang ilan, tulad na lang ng mag asawang ROSAL kaya lang DAW sila naglakas loob pumunta doon ay dahil sa nakita nilang video sa youtube? Samantalang silang mga kasama sa grupo ni A.E ay matagal ng plano ang pagpunta sa Central at pagvigil doon? Meron pa nga silang pinag uusapang mga MEETING PLACE kung saan daw sila magkikita kita. Kung alam lang ng mga kapatid ay sila din yung mga NASA LIKOD ng facebook accounts tulad ni Kelly Ong, Danica Rosales at iba pa na dati nang LUMALABAN SA PAMAMAHALA.

6. Dati pa ay sinusubaybayan ko na ang account ni SHER LOCK (account ni Antonio Ebanghelista) at ni LITO FRUTO DE LUNA (tiwalag na ministro), dati na nilang ipinahayag na ITS TIME TO UTILIZE MEDIA naman daw. AT sabi pa ni SHER LOCK siya mismo ang haharap sa media at ibubunyag lahat ng paratang nya sa pamamahala ng Iglesia.


Hindi kaya ginamit lang nila ang VIDEO na ito upang ISAPUBLIKO ang lahat ng kanilang pinaparatang dati pa? Hindi kaya ginawa lang nila itong paraan upang MARAMI PANG KAPATID ANG MAKIISA sa pakikipaglaban nila sa Pamamahala ng Iglesia?

Bakit may nakikita akong HIDDEN AGENDA sa mga pangyayaring ito?

Ipagpaumahin po ninyo mga kapatid kung ako may nakapag isip ng ganito, ngunit hindi ko po maiwasan. At kung sa mga nailabas kong bagay na aking napansin sa mga panyayaring ito ay sa tingin nyo ay mali, patawarin po ninyo ako.