Nalulugod ba ang Diyos sa mga pista at pagsamba sa patron?

Sobrang nakakalungkot na makita ang mga Katoliko sa kanilang pista, at pagsamba sa kanilang mga patron. Wala na ngang kabuluhan ang gawaing iyon, hindi na makatarungan ang gastos, binabastos pa nila ang Diyos kaya sila tuloy ay nagkakasala.

Baka sabihan ako ng ilan, hoy readme hindi namin sinasamba ang patron namin!

Talaga?

Eh ano to:

‘‘Taun-taon ay idinaraos ang fiesta rito. Nakasalalay sa parangal at pagsamba sa ating Patron. Pero kasabay nito ay pasasalamat sa mabuting ani. Kaya ang pagbawal ng fiesta ay hindi maaaring mangyari. Hindi maiiwasan ang magpasalamat ang mga taga-nayon. Puwedeng bawasan ang karangyaan at gastos pero ang pasasalamat at pagsamba ay kailangang ipagpatuloy. Maalala ko nga pala, hindi lang tayo nagpapasalamat sa magandang ani.’’source: DOON PO SA NAYON ni Sen.Juan M. Flavier Philstar, June 01, 2002

Pagsamba sa patron, turo ng bibliya?

Alam nating lahat na ang pagsamba sa mga rebulto at imahen ay kasuklam suklam sa Diyos. Eto ang sinasabi ng bibliya ukol dito:

"Ang kanilang mga diosdiosan ay pilak at ginto, yari ng mga kamay ng mga tao.

May bibig sila, nguni’t hindi nagsasalita; may mga mata, nguni’t hindi nakakakita;

May mga tainga sila, nguni’t hindi nakaririnig; may ilong sila, nguni’t hindi nakaaamoy;

May mga kamay sila, nguni’t hindi nangakakaramdam; may mga paa, nguni’t hindi nakalalakad; ni bulong man ay walang makalabas sa kanilang lalamunan.

Ang nagsigawa sa mga iyon ay matutulad sa kanila; lahat ng nananalig sa kanila."

Awit 115: 4-8

Anong ginagawa nila sa kanilang mga rebulto?

"Pinapasan nila ito para ilibot sa ibang lugar, pagkatapos ay ibabalik sa kanyang lalagyan. Mananatili ito roon at hindi makakakilos. Dalanginan man ito'y hindi makakasagot, at hindi makatutulong sa panahon ng pagsubok." Isaiah 4:7

(Dahil may paa nga, hindi naman nakakalakad, ayan natumba mag isa)

Yan saktong sakto pag may prosisyon, pag pista nga ng Nazareno yung iba nagigitgitan pa at ang ibat namamatay para lang don. Naniniwala kasi silang may himala ang mga rebultong yon, pero kahit pa dalanginan yon sabi ng bibliya, HINDI ITO MAKAKASAGOT AT HINDI MAKAKATULONG SA PANAHON NG PAGSUBOK!

Ito ang sabi ni Apostol Pablo:

"Yamang tayo nga’y lahi ng Dios, ay hindi marapat nating isipin na ang pagka Dios ay katulad ng ginto, o ng pilak, o ng bato, na inukit ng kabihasnan at katalinuhan ng tao." Gawa 17:29

Yung mga tunay na lahi ng Diyos hindi iniisip na ang PAGKA DIYOS ay katulad ng ginto, pilak o ng bato na inukit ng kabihasnan at katalinuhan ng tao.

Ano ang sasapitin sa hanggang sa ngayoy sumasamba pa rin sa mga rebulto na kanilang mga diyos-diyosan?

"Subalit malagim ang kasasapitan ng mga duwag, ng mga taksil, ng mga nagpapasasa sa kasuklam-suklam na kahalayan, ng mga mamamatay-tao, ng mga nakikiapid, ng mga mangkukulam, ng mga sumasamba sa diyus-diyosan, at lahat ng mga sinungaling. Ang magiging bahagi nila'y sa lawa ng nagliliyab na asupre. Ito ang pangalawang kamatayan." Pahayag 21:8

Pagpapasalamat sa patron sa halip na sa Diyos


Ito ang bagay na pinaka di katanggap tanggap, yung mga biyayang natatanggap nila mula sa Diyos tulad ng maraming huli ng isda, magandang ani at iba eh sa kanilang mga patron sila nagpapasalamat sa halip na sa Diyos!

Tanong: Katanggap tanggap ba ito sa Diyos?

Ito ang sabi ng Diyos:

Ako si Yahweh; 'yan ang aking pangalan; walang makakaangkin ng aking karangalan; ang papuri'y sa akin, hindi sa diyus-diyosan" Isaiah 42:8

Ang dapat palang papurihan ay ang DIYOS at hindi ang mga dino-diyos ng mga tao. Diyos ang nagbigay sa kanila ng biyaya at hindi mga SANTO nila. Kaya tupad na tupad talaga ang nakasulat sa bibliya:

"Kahit na alam nilang may Diyos, siya'y hindi nila pinarangalan bilang Diyos, ni pinasalamatan man lang. Sa halip, naghaka-haka sila ng mga bagay na walang kabuluhan kaya't nagdilim ang hangal nilang pag-iisip. Tinalikuran nila ang kaluwalhatian ng Diyos na walang kamatayan, at ang sinamba nila'y mga larawan ng mga taong may kamatayan, ng mga ibon, ng mga hayop na may apat na paa, at ng mga hayop na gumagapang. Ang katotohanan tungkol sa Diyos ay tinalikuran at pinalitan nila ng kasinungalingan. Sinamba nila at pinaglingkuran ang mga nilikha, sa halip na ang lumikha, na siyang dapat papurihan magpakailanman! Amen." Roma 1: 21, 23, 25

Alam nilang may DIYOS pero sa halip na siya ang PASALAMATAN eh mga PATRON nila ang kanilang pinasalamatan, pinuri at sinamba.

Anong sinasabi ng bibliya tungkol sa mga pista?

Eto po ang sagot:

"Kaya't huwag na kayong magpapasakop pa sa anumang alituntunin tungkol sa pagkain o inumin, tungkol sa mga kapistahan, sa bagong buwan o sa Araw ng Pamamahinga." Col. 2:16

Sabi ng bibliya, HUWAG NA KAYONG MAGPAPASAKOP PA SA ANUMANG ALITUNTUNIN tungkol sa pagkain o inumin, TUNGKOL SA MGA KAPISTAHAN...

Yan maliwanag na maliwanag.

Eto pa sabi ng bibliya oh:

"Ngayong kilala na ninyo ang Diyos-- o kaya, ngayong kilala na kayo ng Diyos-- ano't ibig naman ninyong magpaalipin sa mga alituntuning iyon walang saysay? Marami kayong ipinagpipista-- sari-saring araw, buwan, panahon, at taon. Nangangamba ako na baka masayanag lamang ang pagod ko sa inyo." Gal. 4:9-11 SNB

Kaya kaming mga Iglesia ni Cristo ay hindi nagcecelebrate ng fiesta at naniniwala sa mga santo at patron. Ang totoo, hanapin nyo pa sa kasaysayan, ang selebrasyon ng pista ay wala sa bibliya at imbento lamang ng Iglesia Katolika. Hindi namin sinisiraan ang mga pista niyo, nilalabas lang namin ang katotohanan na nakasulat sa bibliya.

Nasa sa inyo na yon kung ipagpapatuloy nyo pa rin ang inyong pista, at pagsamba sa inyong patron na kinakasuklaman ng Diyos. Alam niyo na kung saan ang bahagi niyo...

Nakakatawang depensa tungkol sa pagpupunas ng mga imahen sa Iglesia Katolika

Grabe ang tawa ko ng mabasa ko ang pagtatanggol ng isang pari, opo, PARI ng Roman Catholic Church ngunit hindi lang basta pari, kundi Catholic apologist din, pero hindi lang basta Catholic Apologist kundi CFD National Spiritual Director, itoy tungkol sa pagpupunas ng mga Katoliko sa mga imahen ng santo at ni Kristo(daw) sa mga prosisyon at sa kanilang simbahan.

Eto po ang nakakatawa nyang paliwanag (red, emphasis mine):

Anonymous said...

Pader.... napansin ko lang sa katoliko... ang dameng katoliko na ginagawang Diyos ang mga santo.... bakit hindi nyo ipaliwanag sakanila na hindi Diyos ang mga santo para hindi sila namamale.... tapos Pader yun iba pupunas pa ng panyo tapos papahid sakanila,,, pra saan yun pader?? bakit hindi nyo sabihin sakanila na male yun?? Diba pagpapakita ng pagsamba sa diosdiosan yun????

nga pala....

katoliko ko,,, pero,, prang aanib ako sa Born Again... konte lang kc pinagkaiba nun sa katoliko... pareho lang ng Dios ,,,TRINITY...

Fr. Abe, CRS said...

[Pader.... napansin ko lang sa katoliko... ang dameng katoliko na ginagawang Diyos ang mga santo...]

IMPRESSION MO LANG YAN KASI NALASON NA ANG MGA BORN AGAIN ANG ISIP MO. PERO ANG TUTUO HINDI GINAGAWANG DIOS NG MGA CATOLICO ANG MGA SANTO.

[bakit hindi nyo ipaliwanag sakanila na hindi Diyos ang mga santo para hindi sila namamale...]

PINAPALIWANAG YAN. MALINAW YAN SA MGA CATOLICO. YUNG MGA HINDI ALAM YAN SIGURO E HINDI NAKINIG NG ITINUTURO SA CATECHISM O SA LOOB NG SIMBAHAN. SUBALIT MALINAW ANG TURO NA HINDI DIOS ANG MGA SANTO.

[tapos Pader yun iba pupunas pa ng panyo tapos papahid sakanila,,, pra saan yun pader??]

SIEMPRE NILILINISAN ANG MGA IMAHEN. ANG IMAHEN NI RIZAL SA LUNETA AY NILILINISAN AT MAY GUARDIA PA AT MAY MGA FRESH FLOWERS. ANG STATUE NI MICHAEL JORDAN SA LABAS NG UNITED CENTER SA CHICAGO AY NILILINISAN AT PINUPUNASAN DIN PARA LAGING MALINIS. PANONG NAGING MASAMA ANG PAGPUNAS SA MGA LARAWAN. KAHIT NA ANG MGA LARAWAN NG ATING MGA MAHAL SA BUHAY AY NILILINISAN PARA HINDI MASIRA.

[bakit hindi nyo sabihin sakanila na male yun??]

SINONG NAGSABE NA MALI YON. PAG HINDI PINUNASAN ANG MGA LARAWAN E DI MAGIGING MADUMI SA ALIKABOK.

[Diba pagpapakita ng pagsamba sa diosdiosan yun???]

HINDE. SINONG BALIW ANG NAGSABI SA YO NA PAG PINUNASAN E PAGSAMBA? KUNG IKAW BA PUNASAN NG NANAY MO O NG KASINTAHAN MO ANG IYONG MUKHA IBIG SABIHIN BA NON SINASAMBA KA? YON AY TANDA NG PAGMAMAHAL AT PAGLILINIS SA ISANG MAHALAGANG BAGAY.

KAYA NGA PINUPUNASAN E KASI ALAM NG MGA KATOLIKO NA HINDI DIOS YON. KASI ANG DIOS HINDI MAPUPUNASAN. KAYA PINUPUNASAN KASI ALAM NATING MGA KATOLIKO NA HINDI DIOS ANG MGA LARAWAN NG SANTO.

[nga pala.... katoliko ko,,,]

SALAMAT NAMAN.

[pero,, prang aanib ako sa Born Again...]

WAG, WAG KANG AANIB SA MGA BAGONG IMBENTONG RELIHIYON NA IYAN. LIKHA NG DIABLO ANG MGA GRUPO NA YAN. HINDI YAN GALING KAY CRISTO AT SA MGA APOSTLES. YAN AY PRODUCTO NG MGA HERETICO NA TULAD NI LUTHER AT CALVIN.

[konte lang kc pinagkaiba nun sa katoliko...]

MARAMING PAGKAKAIBA. MARAMI SILANG INIMBENTONG ARAL NA WALA SA BIBLIA.

[pareho lang ng Dios ,,,TRINITY...]

PAREHO NGA ANG DIOS SUBALIT GUMAYA LANG SILA SA ATIN KAYA PAREHO. ISA PA MAGKAIBA ANG IGLESIA KASI SILA BAGONG IMBENTO LANG HINDI TUNAY NA GALING KAY CRISTO. WAG MONG SALIHAN ANG RELIHIYONG GAWA NG TAO.

source: thesplendorofthechurch.blogspot.com

Yan po pala ang explanation ng Iglesia Katolika tungkol sa pagpupunas ng kanilang pinakamamahal na mga rebulto/imahen ng mga santo at ni Kristo(daw), ay dahil daw MARUMI, kaya KAILANGANG PUNASAN.

"Napaka intelihente", at "napaka sensible" naman masyado ang pagpapaliwanag ni "Father" na CFD National Spiritual Director, o sige na nga, tanggapin na natin ang kanyang paliwanag, na kaya pala pumipila ang milyon milyong katoliko lalo na pag pista ng itim na Nazareno, na ang iba ay namamatay at nagkakasakitan dahil sa tulakan kapag prosisyon, ay para lang pala linisin ang imahen ni Kristo(daw), eto:

Akala ko pa naman ay naggigitgitan at nagsasakripisyo sila para sa MILAGRO ng Itim na nazareno, yun pala para sa MILAGRO ng "alikabok at dumi" ng itim na Nazareno. Ito pala ang pinupunasan nila at pag dumikit na sa kanilang mga twalya, ipapahid sa bahagi ng katawan na may sakit at sila ay gagaling. Wow, miraculous GERMS!

Naniniwala pa sila na milagro ang mga ito, pero ito ang sinasabi ng bibliya:

"They put it on their shoulders and carry it. They set it in its place, and there it stands; it cannot move from its place. People may yell at it, but it cannot answer. It cannot save them from their troubles." Isaiah 46:7

Hindi kasi matanggap ng mga depensor Katoliko na kahit isang milyong beses pa nilang sabihing hindi nila sinasamba ang mga larawan/statwa ng santo nila at ni Kristo(daw), hindi nila maisasantabi ang katotohanang maraming katoliko ang lantaran at literal na sinasamba ang mga ito. Sila na mismo ang nagsabi na "ignorante" kasi ang mga katoliko sa sariling dokrtina, kaya ang mga may alam sa aral ng Iglesia Katolika, ang sasabihin hindi daw nila sinasamba at ginagawang dyos, pero para naman sa mga katolikong walang kaalaman sa paniniwala nila, ang ginagawa nila ay pagsamba at paglilingkod sa mga ito.

Isa sa magandang halibawa ay ang mga dating katoliko na lumipat sa ibang relihiyon partikular na sa Iglesia ni Cristo, kung totoong hindi nila sinasamba at pinaglilingkuran yung mga santo nila, BAKIT SILA UMALIS SA IGLESIA KATOLIKA? at BAKIT SILA AFFECTED?

Kung totoong hindi nga, eh bakit ang madalas nilang sabihing dahilan kaya sila lumipat ng relihiyon eh "Nalaman ko kasi sa bibliya na mali pala ang pagsamba at paglilingkod sa mga inanyuang tao na mga rebulto/statwa/imahen" ?