Masama ba ang pagkain ng balot?

Hindi ko na dapat sasagutin ang ganitong uri ng tanong na si Mr. Soriano at ang kaniyang mga miyembro lamang niya ang nakaisip. Masyado kasing mababaw at sa tingin ko hindi na kailangan pang pagtuunan ng pansin, pero dahil hanggang ngayon eh paniwalang paniwala sila sa argumentong ito, kaya naisip kong sagutin na rin. 

Atake nila sa Iglesia ni Cristo, kung ipinagbabawal daw ang pagkain sa amin ng DUGO, hindi daw ba dapat eh bawal din ang pagkain ng balot?

Kasi daw yung nasa loob non na ITIK ay may dugo, kaya kung kumakain kami ng BALOT eh di nakakakain din kami ng DUGO.

Tanong, masama ba samin ang pagkain ng BALOT?

HINDI! Dahil ang ipinagbabawal sa mga TUNAY na Kristyano ay ang pagkain o pag inom ng DUGO at hindi ang pagkain ng itlog o balot. Wala tayong mababasa sa bibliya na BAWAL kumain ng itlog o balot. Pero ang pagkain o pag inom ng DUGO marami tayong mababasa.

Balikan natin ang mga talatang ito sa bibliya:

"Lamang ay pagtibayin mong hindi mo kakanin ang dugo: sapagka't ang dugo ay siyang buhay; at huwag mong kakanin ang buhay na kasama ng laman." Deut. 12:23

Ang DUGO daw ay siyang BUHAY kaya wag itong kakainin lalo na ng may kasamang laman, tulad ito ng dinuguan na may halong karne/lamang loob ng baboy, di ba? Yan po ang dahilan kung bakit BAWAL sa amin ang pagkain nyan.

Eto pa:

"Huwag na huwag ninyong kakainin ang dugo, sa halip ay patuluin ito sa lupa." Deut. 12: 24

Yan maliwanag sa bibliya hindi lang basta HUWAG kundi HUWAG NA HUWAG daw kakain ng DUGO, sa halip patuluin daw ito sa lupa. 

Eh yung sa balot, NAPAPATULO BA SA LUPA ANG DUGO NITO???

Itlog nga eh, may shell, pano mo maipapatulo sa lupa ang dugo non???

Ang sabi pa nila, yung itik daw sa loob non may blood vessels, kaya kahit paano may dugo pa din sa loob. Kaya pag kumain daw kami ng balot nakakain kami ng dugo.

Alam niyo, kahit yung mga hayop na pinatulo na ang dugo sa lupa ay hindi naman 100% mawawala na ang dugo non, meron at merong matitira. Wala ring mababasa sa bibliya na pag pinatulo ang dugo siguraduhin na kahit 1% ay wala na talaga saka lang pwede kainin. Ang sinabi ay malinaw, PATULUIN ANG DUGO SA LUPA at huwag kainin dahil sumisimbulo ito ng BUHAY. 

Sabi pa sa bibliya:

"At kapag ang sinuman sa inyo, maging Israelita o dayuhan ay humuli ng hayop o ibong makakain, dapat niyang itapon ang dugo niyon at tabunan ng lupa." Lev. 17:13

Ang ITLOG ba ay HINUHULI para makain?

Nakakagulantang naman yon kung kasama ang ITLOG o BALOT sa mga hina-haunting ng mga mangangaso. May paa lang? May pakpak? Gumugulong mag-isa? O baka lumulutang???

At ang pinakaimportante sa lahat, baka hindi niyo alam, ang BALOT PO AY HINDI HAYOP.

Egg pa nga lang eh, pag yon lumabas sa kanyang shell dun yon matatawag na HAYOP, at pag yon naging HAYOP na dun papasok yung PAGBABAWAL na kapag ikaw ay huhuli ng hayop para kainin eh dapat munang patuluin ang dugo nito sa lupa at saka tabunan.

Opo, baka matawa kayo pero nakakatawa talaga yung argumento nilang yan, pati ba naman yung BALOT ginagawan ng isyu masabi lang na LUMALABAG daw kami sa sarili naming aral???

Sige, ito ang deal, kung sino man sa mga ADD ang makakapagpatulo ng dugo ng BALOT sa lupa at makakapag-haunt ng BALOT sa gubat o sa kahit saan man (patunayan nyo ring gumagalaw mag isa yon, maaaring maglakad, lumipad, gumulong mag isa o lumutang, send nyo ang picture sa email ko readme63@yahoo.com) pag ito nagawa nila, saka ako maniniwala na BAWAL talaga ang pagkain ng BALOT.